Есірткі егілген алқап дрон арқылы табылды
Шығыс Қазақстан облысында «Қарасора-2025» жедел-профилактикалық іс-шарасы аясында полиция қызметкерлері рейд жүргізді. Ұлан және Зайсан аудандарын тексеру барысында ұшқышсыз ұшу аппараттары мен дрондар қолданылды. Бұл іздестіру жұмыстарын тиімдірек өткізуге және қамтылатын аумақты кеңейтуге мүмкіндік берді, деп хабарлайды Azattyq Rýhy.
Тексеру нәтижесінде 20 гектардан астам аумақта 8 мыңнан астам жабайы қарасора бұтасы анықталып, жойылды.
ШҚО полиция департаменті мәлімдегендей, есірткі құралдарының заңсыз айналымына жол бермеу бағытындағы шаралар жүйелі түрде жалғасады. Бұл жұмыстарда заманауи технологиялар қолданылып, басқа да күштік құрылымдармен өзара іс-қимыл нығайтылады. Әрбір жойылған қарасора бұтасы – қоғам қауіпсіздігіне қосылған үлес.