Демалыс күндері Қазақстанда ауа райы қандай болады

«Қазгидромет» РМК алдағы демалыс күндеріне арналған ауа райы болжамын жариялады, деп хабарлайды Azattyq Rýhy.

Синоптиктердің болжамынша, алдағы күндері Қазақстанның басым бөлігінде солтүстік-батыс циклоны және онымен байланысты атмосфералық фронтальды бөліктердің өтуі әсер етеді – найзағаймен бірге жаңбыр жауады.

«6 қыркүйекте солтүстік-батыста, 7-8 қыркүйекте солтүстікте, 8 қыркүйекте шығыс пен орталықта қатты жаңбыр, бұршақ, дауылды жел күтіледі. Республика бойынша желдің күшеюі болжанады, солтүстік-батыста, солтүстікте, шығыста, орталықта түнгі және таңертеңгі сағаттарда тұман түсуі ықтимал. Елдің оңтүстік-батысы мен оңтүстігінде шаңды дауыл болжанады», – делінген синоптиктер болжамында.

Температуралық фон бойынша ауа температурасының төмендеуі күтіледі:

• Солтүстік-батыста түнде +8…+16°С, күндіз +15…+25°С;
• Солтүстікте түнде +8…+15°С, күндіз +13…+20°С;
• Орталықта түнде +7…+18°С, күндіз +15…+23°С;
• Оңтүстікте түнде +12…+20°С, күндіз +22…+30°С;
• Шығыста температура көтеріледі – түнде +5…+15°С, күндіз +20…+28°С;
• Батыста және оңтүстік-шығыста температуралық фон айтарлықтай өзгермейді.