Көлсай көлдеріне серуендеп барған аустралиялық турист көлігімен бірге өртеніп кете жаздады (ВИДЕО)

Алматы облысының көрікті жерлерінде сапарлап жүрген аустралиялық турист көлігімен бірге өртеніп кете жаздады, деп хабарлайды Azattyq Rýhy.

Турист мінген көліктен кенеттен түтін шыға бастаған. Оқиғаға қатысты видео бірнеше сағат ішінде әлеуметтік желілерде таралып, қызу талқыланды.

Видеода көліктің салоны біртіндеп түтінге толып жатқаны көрінеді, бірақ жүргізуші қозғалысты тоқтатпайды. Көлік жол жиегіне тоқтағаннан кейін толықтай өртеніп кетті.

«Бір көлік азайды, бірақ сапарымыз сонда да жақсы өтті!» – деп видео авторы TikTok желісіне жазды.