Жаңа рекорд: Қарағандыда 120 мың адам қатысқан концерт өтті

Қарағанды қаласында Кеншілер күніне орай Qarmet компаниясы ұйымдастырған ауқымды мерекелік концерт өтті. Шараға 120 мыңнан астам көрермен жиналып, Қазақстандағы ең ірі мәдени іс-шаралардың біріне айналды, деп хабарлайды Azattyq Rýhy.

Концертке кімдер қатысты?

30 тамызда Қарағандының Тәуелсіздік алаңында өткен мерекелік шоуда қазақстандық және шетелдік танымал әртістер өнер көрсетті. Сахнаға:

• AYAU,
• Sadraddin,
• Ирина Кайратовна тобы,
• және алғаш рет Қарағандыда өнер көрсеткен ресейлік әнші Zivert шықты.

Zivert көрерменге ерекше алғыс білдірді.

«Бұл – менің ең үлкен аудиториям. Қарағанды, сендер кереметсіңдер! Бүгін біз сіздермен бірге Кеншілер күнін атап өтудеміз», – деді.

Рекорд орнады

Ұйымдастырушылардың алдын ала есебіне сәйкес, концертке 120 мыңнан астам адам келген. Бұл – ел тарихындағы ең көп көрермен жинаған мәдени іс-шаралардың бірі.

«Газ келді»: ИК тобының құттықтауы

Сахнада сөз алған «Ирина Кайратовна» тобы Теміртаудағы металлургиялық комбинатқа алғаш рет табиғи газ қосылғанын атап өтті.

«Газ келді, жігіттер! Бұл экологияға оң әсерін тигізеді. Жаңа дәуір басталды, біз баршаңызды құттықтаймыз!» – деді топ мүшелері.

Qarmet-тің сыйлықтары

Мерекелік шара аясында Qarmet көрермендерге PlayStation 5 ойын консолін ұтысқа қойды. Қатысу үшін Instagram-дағы ресми парақшаға жазылып, екі досты белгілеу және концерттен фото немесе видео жариялау қажет болды. Жеңімпаздар 2 қыркүйекте анықталады.