Қазақстаннан бір ай ішінде мыңдаған тонна бензин шетелге ұрланбақ болған

ҰҚК Шекара қызметі 2025 жылғы тамызда Мемлекеттік шекараны қорғау барысында 4 610 заңбұзушыны анықтады. Олардың ішінде 39 шетел азаматы шекараны заңсыз кесіп өтсе, тағы 25-і шекараны бұзу әрекеті кезінде ұсталды, деп хабарлайды Azattyq Rýhy.

Заңсыз тасымалдардың жолы кесілді

Ай ішінде шекара арқылы тауар мен жүктің заңсыз өткізілуіне қатысты 1 352 фактінің алды алынды. Оның ішінде:

• 5 кг-нан астам есірткі заты;
• қару-жарақ пен оқ-дәрілердің 47 фактісі (151 суық қару, 191 оқ-дәрі және өзге қарулар);
• 678 дана діни әдебиет;
• жалпы құны 5,5 млн теңгеден асатын 18 500 литр жанармай;
• құны 1,5 млрд теңгеден асатын 598 факт халық тұтыну тауарлары;
• құны 1,5 млрд теңгеден асатын 157 факт шетел валютасы.

Каспийдегі браконьерлікке тосқауыл

Каспий су айлағында 55 браконьерлік іс тіркелді. Нәтижесінде:

• 9 қайық, 21 км ау тәркіленді;
• 1 440 кг бекіре тұқымдас және 19 кг сирек кездесетін балық алынды;
• келтірілген залал сомасы 566 млн теңгеден асты.

Шекарадағы жаңа өзгеріс

Барлық өткізу бекеттері штаттық режимде жұмыс істеуде. Сонымен бірге, 25 тамыздан бастап Алматы облысының Райымбек ауданындағы «Кеген» өткізу пункті тәулік бойғы жұмыс кестесіне көшті.