Өскеменде LED-экрандағы қорқынышты видео тұрғындардың зәресін ұшырды
Әкімдік «қорқынышты видеоның» пайда болу себебін түсіндірді
Өскемендегі көше LED экрандарында қорқынышты кадр жарияланды. Оны тұрғындар 27 тамыз күні кешке байқапты, деп хабарлайды Azattyq Rýhy YK-news.kz сайтына сілтеме жасап.
Әкімдік не дейді
Оқиғаны куәгерлер видеоға түсіріп алған. Ролик әлеуметтік желіде тарап кетті. Дегенмен көпшілік видеоның мүлдем қорқынышты емес екенін, оған қарағанда танымал Labub балалар ойыншықтары әлдеқайда қорқынышты екенін атап өтті.
Әкімдік болған жайтқа түсініктеме берді.
«Кезекші техник бұл видеоны байқап, экранды өшірген, қазір барлық экранды аралап жүр, қолжетімділік алгоритмін өзгертуде», - деп хабарлады Өскемен әкімдігі.
Елордада да осындай жағдай болды
Еске сала кетейік, бұған дейін Астанада тәртіп сақшылары ғимараттардың маңдайшаларындағы LED экрандарды бұзған төрт кәмелетке толмаған баланы анықтаған болатын. Қазіргі уақытта осыған ұқсас бұзақылық әрекеттердің төрт эпизоды тіркелді.
