Бұл қалаларда қолайсыз метеожағдай күтіледі
23 тамыз күні Қазақстанның екі қаласында қолайсыз метеожағдай күтіледі. Бұл туралы «Қазгидромет» мәлімдеді, деп хабарлайды Azattyq Rýhy.
Синоптиктердің мәліметінше, Актобеде күндіз, ал Атырауда түнде атмосферада зиянды заттардың шоғырлануы байқалады. Мұндай кезде ауада жиналған қоспалар таралмай, төменгі қабатта қалып қояды.
«23 тамыз 2025 жылы қолайсыз метеорологиялық жағдайлар Ақтөбеде күндіз, Атырауда түнде күтіледі», – делінген «Қазгидромет» хабарламасында.
Қолайсыз метеожағдайлар – бұл ауадағы ластаушы заттардың таралуына кедергі келтіретін табиғи құбылыстар. Оларға мыналар жатады:
Мамандардың айтуынша, мұндай кезде ауа сапасы уақытша нашарлап, әсіресе ірі өндіріс ошақтары мен көлік қозғалысы тығыз аймақтарда зиянды заттардың деңгейі көтеріледі.
Экологтардың түсіндіруінше, қолайсыз метеожағдай кезінде ауадағы зиянды бөлшектер адам ағзасына қауіпті әсер етеді. Әсіресе, балалар, қарттар мен тыныс алу жолдары ауруы бар адамдарға ауыр тиеді.
Мамандар қолайсыз ауа райы жағдайында ашық ауада көп уақыт өткізбей, көлікті мүмкіндігінше аз пайдалануға кеңес береді. Үй-жайларды жиі желдету ұсынылады, бірақ ластаушы заттардың концентрациясы жоғары кезеңдерде терезені уақытша жабық ұстау қажет.