Күдікті алаяқтың 19 жаста екені анықталды
Ақмола облысында 71 жастағы зейнеткер телефон арқылы 1 млн теңгесін алаяқтарға аударып жіберді. Бұл туралы облыстық полиция департаменті хабарлады, деп хабарлайды Azattyq Rýhy.
14 маусым күні белгісіз ер адам қоңырау шалып, әйелдің банк шотынан «рұқсатсыз ақша шешілуде» деп сендірген. Қорыққан зейнеткер қоңырау шалушының барлық нұсқауын орындап, қаражатын көрсетілген есепшотқа жіберген.
Жедел іздестіру іс-шаралары барысында полицейлер 19 жастағы Қостанай тұрғынын анықтады. Оның іске қатысы тексерілуде. Қазіргі уақытта алаяқтық фактісі бойынша сотқа дейінгі тергеу басталды.