Ақтөбе облысында сегіз үйдің ауласында өрт шығып, 16 үй аман қалды
Ақтөбе облысы Қобда ауданының Әлия ауылында ірі өрт болды. Сағат 15:17-де хабарланған өрт шаруашылық құрылыстар мен қураған шөптен шығып, 1100 шаршы метр аумақты шарпыған, деп хабарлайды Azattyq Rýhy.
ҚР ТЖМ мәліметінше, құтқарушылардың дер кезінде және үйлесімді жұмысының арқасында тілсіз жау тұрғын үйлерге жетпей тоқтатылды. Нәтижесінде 16 үй сақталып, адам шығыны болған жоқ. Өрт толық сөндірілді.
Жалынға қарсы күреске 188 адам және 25 техника жұмылдырылды. Олардың қатарында ТЖМ бөлімшелері, жергілікті атқарушы органдар, полиция департаменті, әскери бөлім және төрт өрт сөндіру бекеті бар.