Студенттер жатақханасының мәселесіне қатысты орталық ашылды
Алматыда ҚР Ғылым және жоғары білім министрлігі мен қала әкімдігінің бастамасымен студенттерге жатақхана мәселесін шешуге бағытталған Ахуалдық орталық ашылды. Бұл орталық Қазақ ұлттық қыздар педагогикалық университетінің базасында орналасқан, деп хабарлайды Azattyq Rýhy.
Министр Саясат Нұрбектің айтуынша, Ахуалдық орталық жатақханадан орын таба алмаған студенттерге нақты көмек көрсетуді мақсат етеді.
Студенттерге арналған цифрлық платформалар еліміздегі жоғары оқу орындарының 80%-ында енгізілген.
Нархоз және Satbayev University сынды ЖОО-ларда студенттер бөлмені өздері таңдай алады.
Алматыда бос орын таппағандарға 55 арнайы төтенше жағдайға арналған бөлме әзірленген.
Ахуалдық орталық 10 толыққанды жұмыс орнымен қамтамасыз етілген. Ол заманауи жабдықтармен және жедел байланыс арналарына қосылған жүйемен жабдықталған.
Сонымен қатар, конференц-зал, күту және демалыс аймағы, оқу бұрышы қарастырылған.
Мемлекет тарапынан жатақхана мәселесін шешу үшін нормативтік субсидиялар ұлғайтылып, жеке инвесторлар тартылып жатыр.
Мысалы, кәсіпкер Бауыржан Кәрібжанов Алматыда жаңа жатақхана салып, студенттерді қабылдауға дайын.
Бұл жатақхананың ерекшеліктері:
Ситуациялық орталықтың ашылуы – Алматы қаласында білім алушыларды қолжетімді әрі жайлы тұрғын үймен қамтамасыз ету бағытындағы жүйелі жұмыстың бір бөлігі. Бұл бастама жастардың әлеуметтік жағдайын жақсартып, білім алуына қолайлы орта қалыптастыруға ықпал етеді.