Көршілер чатындағы жалған айыптаулар сотқа дейін жетті
Петропавл қаласында жергілікті тұрғын бұрынғы үй басқарушысына жала жапқаны үшін әкімшілік жауапкершілікке тартылды, деп хабарлайды Azattyq Rýhy. Әйел адамның үстінен қоғамдық чатта таратқан жалған ақпаратқа байланысты іс қозғалды.
Сот дерегіне сүйенсек, 2025 жылдың маусым айында азаматша К. Ортақ чатта бұрынғы ОСИ (бірлестік нысанындағы меншік иелері ұйымы) төрағасын қаржы жымқырды деп айыптаған.
Оның айтуынша, бұрынғы төраға:
Алайда сот отырысы кезінде К. өз кінәсін ішінара мойындады, бірақ айыптауларын растайтын бірде-бір құжат ұсынбаған.
Петропавл қаласының әкімшілік құқықбұзушылықтар жөніндегі мамандандырылған соты Қазақстан Республикасы ӘҚБтК-нің 73-3-бабының 2-бөлігіне сәйкес шешім қабылдады. Аталған бап бойынша, «Жала жабу – адамның ар-намысына, қадір-қасиетіне нұқсан келтіретін немесе беделін түсіретін көрінеу жалған мәліметтерді көпшілікке жария түрде не бұқаралық ақпарат құралдары арқылы тарату» – құқықбұзушылық ретінде қарастырылады.
Сот үкімі бойынша азаматша К. 495 432 теңге көлемінде айыппұл төлеуге міндеттелді. Алайда шешім заңды күшіне енген жоқ, тараптар оны апелляциялық тәртіпте дауласа алады.