«Балама тиіспеңдерші»: Алматыда пышақ ұстаған ер адамдардың жанжалы видеоға түсіп қалды

Алматыда ер адамдардың арасында жанжал болды. Оқиғаға қатысты пікірді қалалық полиция департаменті білдірді, деп хабарлайды Azattyq Rýhy.

Оқиға орнынан түсірілген видеоны Instagram желісіндегі taldykorganec_kolesa паблигі жариялады. Кадрларда ашулы ер адамдардың өзара жанжалдасып жатқанын көруге болады.

«Түнде Алматыда пышақтасу болды», – делінген видео астындағы жазбада.

Бұл жағдайға қатысты Алматы қалалық полиция департаментінің баспасөз қызметі түсініктеме берді.

«Аталған факт бойынша Әуезов аудандық полиция басқармасы тергеу жұмыстарын бастады. Ер адамдардың арасында жанжал ауызша сөзге келіспеушілік негізінде туындағаны анықталды, басқа да мән-жайлар анықталуда», – деп хабарлады полиция өкілдері.