21 шілдеде төрт қалада ауа сапасы нашарлайды – синоптиктер ескерту жасады

Синоптиктердің мәліметінше, бүгін Қазақстанның төрт ірі қаласында атмосферада зиянды заттардың шамадан тыс шоғырлануы күтіледі, деп хабарлайды Azattyq Rýhy.

Бұл жағдай ауа райының қолайсыз факторларымен байланысты: олар атмосферадағы зиянды қосылыстардың жерге жақын қабатта жиналып, таралмай қалуына себеп болады.

Қай қалаларда ҚМЖ күтіледі?

«2025 жылдың 21 шілдесінде қолайсыз метеорологиялық жағдайлар түнде Қостанай, Ақтөбе, Алматы және Астана қалаларында күтіледі», – деп хабарлады «Қазгидромет» РМК.

ҚМЖ деген не және ол неге қауіпті?

Қолайсыз метеорологиялық жағдайлар (ҚМЖ):

• Тымық ауа райы;
• баяу жел;
• тұман;
• температуралық инверсия.

Олар ауадағы зиянды заттардың таралуына кедергі келтіріп, шоғырланып қалуына ықпал етеді. Мұндай жағдайлар әсіресе тығыз құрылыс немесе өндірістік аймақтарда ауа сапасының уақытша нашарлауына алып келеді.