Жазғы Универсиада Германияның Рейн-Рур аймағында өтіп жатыр
Германияның Рейн-Рур аймағында өтіп жатқан ХХХІІ Дүниежүзілік Жазғы Универсиадада екі қазақстандық спортшы қола медаль жеңіп алды, деп хабарлайды Azattyq Rýhy.
Айбота Ертайқызы көркем гимнастикадан таспамен жаттығуда үздік өнер көрсетіп, қола медаль жеңіп алды.
Қазақстандық таеквондошы Дамир Шуленов те жарыс жолында табандылық танытып, таеквондо жарысында үшінші орынға ие болды. Осылайша, ел қоржынына тағы бір қола медаль түсті.
Айта кетейік, Жазғы Универсиада 16 шілдеде басталды және 27 шілдеге дейін жалғасады. Қазақстан намысын 12 спорт түрінен 76 спортшы қорғауда.