Қостанайда 86 жастағы әжей үйімен бірге өртеніп кете жаздады

Қостанай қаласының Чехов көшесінде орналасқан көпқабатты тұрғын үйден қатты түтін шығып жатқаны туралы «112» қызметіне хабарлама түсті. Оқиға орнына бірден Төтенше жағдайлар министрлігінің (ТЖМ) өрт сөндіру бөлімшелері жөнелтілді, деп хабарлайды Azattyq Rýhy.

Қатты түтін тұрғындарға қауіп төндірді

ТЖМ қызметкерлері екінші қабаттағы пәтерлердің бірінен плитада тамақтың жанып кеткенін анықтады. Бұл жағдай пәтер ішінде қалың түтіннің пайда болуына себеп болып, тұрғындардың өмірі мен денсаулығына қауіп төндірді.

Құтқарушылар 86 жастағы әйелді аман алып шықты

Өрт сөндірушілер үш сатылы баспалдақ арқылы терезеден пәтерге кіріп, 1938 жылы туған қарт әйелді құтқарып, оны далаға қауіпсіз жерге эвакуациялады. Оқиға орнында Апаттар медицинасы орталығының мамандары әжені тексеріп шықты. Абырой болғанда, медициналық көмек қажет болмады.

ТЖМ тұрғындарға маңызды ескерту жасады

Плитада тамақ дайындағанда қауіпсіздік шараларын қатаң сақтау қажет!

Төтенше жағдайлар министрлігі еске салады:

• Плитаны ешқашан қараусыз қалдырмаңыз;
• Тамақ дайындау процесін тұрақты бақылауда ұстаңыз;
• Пәтерлерге дербес өрт хабарламаларын (датчик) орнатыңыз.