Қайтарылған активтер: Ақмола облысында су тарту жүйелеріне 21,5 млрд теңге бөлінді

Ақмола облысында су тарту инфрақұрылымын дамытуға 21,5 млрд теңге бағытталды. Бұл қаражат қайтарылған активтер есебінен құрылған Арнайы мемлекеттік қордан бөлінген, деп хабарлайды Azattyq Rýhy Үкіметтің баспасөз қызметіне сілтеме жасап хабарлайды.

Қазіргі таңда өңірде 28 жоба жүзеге асып жатыр. Оның ішінде су жүйесін жаңарту мен жаңаларын салу жұмыстары Зеренді ауданында қарқынды жүруде.

Зеренді ауданындағы ауылдар қамтылады

Зеренді ауданындағы:

• Ақадыр
• Жылыбұлақ
• Қанай би
• Көктерек
• Садовое
• Троицк
• Васильковское
• Өркен
• Өзен
• Баратай секілді ауылдарда су құбырын тарту мен жаңарту үшін 6 млрд 564 млн теңге бөлінген.

«Өркен ауылында (1000-нан аса тұрғын тұрады) ұзындығы 6 шақырым болатын су құбыры салынып жатыр. Жобаның құны – 583 млн теңге», – делінген ресми хабарламада.

9 ауданда су көздері жаңартылады

Бұдан бөлек, облыстың 9 ауданында жаңа су көздерін салу және қолданыстағы жүйелерді реконструкциялау үшін 2,3 млрд теңгеден астам қаржы бағытталған. Барлық нысан 2025 жылдың соңына дейін іске қосылады деп жоспарланған.

Сандықтауда – топтық су құбыры

Сандықтау ауданында жалпы ұзындығы 22,3 шақырымдық топтық су құбыры салынып жатыр. Бұл жобаға Арнайы қордан 200 млн теңге бөлінген.

Нұра және Талапкер бағытындағы жобалар

Сондай-ақ:

• Нұра топтық су құбыры
• Покровское – Талапкер – Қажымұқан бағытындағы су тарту жүйесі бойынша жұмыстар жүргізілуде. Екі жобаның жалпы құны – 9,5 млрд теңге.

Ақмола облысы бойынша суға қолжетімділік деңгейі

Қазіргі деректер бойынша:

• Қалаларда – 99%
• Ауылдық елді мекендерде – 96,6%