«Төлемді жеңілдетеді»: Қазақстанда бірыңғай QR-код қашан енгізіледі

Мобильді төлемдерді жеңілдететін бірыңғай QR-код жүйесі 2025 жылдың соңына дейін іске қосылады, деп хабарлайды Azattyq Rýhy Ұлттық банк мәліметіне сілтеме жасап хабарлайды.

Жаңа төлем жүйесі: не өзгереді?

Ұлттық банк төрағасы Тимур Сүлейменов екінші деңгейлі банктер басшыларымен кездесіп, Межбанктік мобильді төлем жүйесінің даму жоспарын талқылады. Басқосуда телефон нөмірі арқылы ақша аудару және бірыңғай QR-код арқылы төлем жасау сынды жаңа сервистердің жай-күйі баяндалды.

Ұлттық төлем корпорациясы ұсынған мәліметтерге сәйкес:

• Қазіргі уақытта 5 банк жүйеге толық қосылған
• Тағы 4 банк тестілеу және техникалық біріктіру кезеңінде
• Қыркүйекке дейін барлық банктер жүйеге қосылады деп жоспарланған

Бірыңғай QR-код қалай жұмыс істейді?

Кездесуде банкаралық QR-төлемдерді енгізу де көтерілді. Бұл – барлық банктер арасында бірдей форматтағы QR-кодты пайдалану арқылы төлем қабылдауды жеңілдететін шешім болмақ.

Сонымен қатар алаяқтыққа қарсы қауіпсіздік шаралары да күшейтілуде:

• Клиент деректерін беру форматы қайта қаралды
• Ақпарат енді толық әрі құрылымдалған түрде беріледі
• Банктерге жүйеге қосылу кезінде қауіпсіздік талаптары күшейтілді

Жүйе қашан іске қосылады?

Ұлттық банк мәліметінше, барлық техникалық жұмыс пен QR форматтарын келісуаяқталғаннан кейін, 2025 жылдың соңына дейін бірыңғай жүйе толық қолданысқа енгізіледі. Бұл жүйе барлық банк клиенттері үшін қолжетімді болады.

Бұл не үшін маңызды?

• QR арқылы төлем жасау жылдам әрі қауіпсіз
• Банк атауына қарамастан, барлық POS-терминалдарда бірыңғай кодпен төлеуге болады
• Бұл – сандық қаржы инфрақұрылымын дамытудағы маңызды қадам.