Жезқазғандық құтқарушылар ерекше оқиғаға тап болды

Жезқазған қаласында Төтенше жағдайлар министрлігінің жедел құтқару жасағының қызметкерлері ерекше шақыруға шықты, деп хабарлайды Azattyq Rýhy.  

Ведомствоның мәліметінше Жеңіс көшесінде орналасқан жоғарғы қабаттағы пәтерлердің біріне жарқанат кіріп, өздігінен шыға алмаған.

«ТЖМ құтқарушылары арнайы құрал-жабдықтардың көмегімен жарғанатты ұстап алды», - деп жазылған хабарламада.

Егер Сіздің үйіңізге жарқанат ұшып кірсе:

• онымен тікелей байланыста болудан аулақ болыңыз;
• балалар мен үй жануарларын басқа бөлмеге шығарыңыз;
• оны ақырын ұстаңыз да бостандыққа жіберіңіз.   

Еске сала кетейік, Қостанай облысының Лисаков қалалық ауруханасына 2025 жылдың мамыр айында жатқызылған Камысты ауданының тұрғыны құтырмадан көз жұмды. Ол үй мысығы тістеп алғаннан кейін дәрігерге бармаған.