Алматы қонақүйінде 1,5 жасар сәбиді өлтірген адам Ұлыбритания азаматы болып шықты, деп хабарлайды sputniknews.kz
Алматыдағы қонақүйлердің бірінде өзінің бір жарым жасар қызын өлтірді деген күдікпен ұсталған Ұлыбритания азаматы екі айға қамауға алынды. Мамандандырылған ауданаралық тергеу соты қылмыстық кодекстің 99-бабы «Адам өлтіру» бойынша күдікті Ұлыбритания азаматын екі айға қамау туралы шешім қабылдады. Кінәлі азамат бұл бап бойынша 15-20 жылға немесе өмір бойына бас бостандығынан айырылуы мүмкін.
Ұлыбритания елшілігі бұл жағдайға қатысты пікір білдірді.
«Біз Алматыдағы британиялық сәбидің өлімі мен Ұлыбритания азаматының тұтқындалуына байланысты полициямен тұрақты байланыстамыз», - деді елшіліктің коммуникациялар бөлімінің мамандары.
Еске салсақ, жантүршігерлік оқиға 24 қазан күні таңертең болды. Алматыда ер адам туған баласын ұрып өлтірді.