Шымкентте жұртты терроризмге шақырған ер адам 7 жылға сотталды

Шымкент қалалық соты қала тұрғынын терроризмді насихаттағаны үшін кінәлі деп танып, оны 7 жыл мерзімге бас бостандығынан айыру жазасына кесті, деп хабарлайды Azattyq Rýhy.

Айналасындағыларды зорлық-зомбылыққа үгіттеген

Ұлттық қауіпсіздік комитетінің (ҰҚК) тергеуі барысында сотталушының айналасындағы адамдарды өлтіруге шақырып, діни негіздегі зорлық-зомбылықты ақтағаны дәлелденген.

Атырау мен Ақтөбеде де үкім шықты

2025 жылдың маусым айында ҰҚК материалдарының негізінде Атырау және Ақтөбе облыстарының соттары да діни радикалдарды терроризмді насихаттағаны үшін жауапкершілікке тартты:

• Атырау облысында – 7 жыл;
• Ақтөбе облысында – 6 жыл бас бостандығынан айыру жазасы тағайындалды.

Сотталған азаматтар террористік белсенді аймақтарға шығуға әрекет еткен және бұрын сотты болған.

Үкімдер заңды күшіне енді

Аталған сот үкімдері қазіргі уақытта заңды күшіне енді.

Террористік және экстремистік әрекеттер бойынша деректер

2025 жылдың басынан бері ҰҚК тергеген қылмыстық істер бойынша:

• 52 адам, оның ішінде 2 шетелдік азамат террористік және экстремистік қылмыстар үшін сотталды;
• Тағы 52 адамға қатысты тергеу жалғасуда.