Билет сатып алған 890 адам ақшасын қайтануды сұрады
Bek Air әуе компаниясының жолаушыларға келтірген залалы тағы 3 млн теңгеге ұлғайғаны белгілі болды. Әуе компаниясынан билет сатып алған 890 адам өз уақытында ешқайда ұша алмағандықтан, ақшаларын қайтаруды талап еткен, деп хабарлайды Azattyq Rýhy тілшісі.
Әуе компаниясына қатысты сот процесі жалғасып жатыр. Компанияның жолаушыларға келтірген залалы тағы 3 млн теңгеге ұлғайғаны белгілі болды.
Компания өкілі жолаушылар отырғызу талондарын «арнайы тарифпен» алғандықтан ақшалары қайтарылмайды деген уәж айтады. Бірақ заң бойынша билетке төленген ақша қайтарылуы тиіс. Ал әзірге бұл әуе компаниясының мүлкіне салынған тыйым алынған жоқ. Келесі аптада сот процесіне қатысушы тараптардың жарыссөзі өтеді.