Ұлттық қор қаражатын жымқыру фактісі анықталды
Павлодар прокуратурасы «Ауыл – Ел бесігі» мемлекеттік бағдарламасы аясында салынған әлеуметтік нысанға қатысты тергеу жүргізіп, ірі көлемдегі қаржылық заңбұзушылықты әшкереледі, деп хабарлайды Azattyq Rýhy.
Кемеңгер ауылында спорт-сауықтыру кешенінің құрылысына Ұлттық қордан 382 млн теңге бөлінген. Алайда тексеріс кезінде орындалмаған құрылыс жұмысы үшін мердігерге 158 млн теңге төленгені белгілі болды.
Нақты сектор экономикасы бөлімінің бұрынғы басшысы Қылмыстық кодекстің 361-бабы бойынша жауапқа тартылып, 3 жылға бас бостандығынан айырылды. Сонымен қатар, ол мемлекеттік қызметте лауазым атқару құқығынан өмір бойына айырылды.
Қазіргі таңда соттың шығарған үкімі заңды күшіне енбеген.