Министр билет бағаларына қатысты түсініктеме берді
Туризм және спорт министрі Ербол Мырзабосынов Қазақстанның қай өңірлеріне қолжетімді бағада ұшуға болатынын айтып берді, деп хабарлайды Azattyq Rýhy.
«Қазіргі уақытта Алакөл, Балқаш, Түркістан бағыттарына субсидияланған рейстер бар. Билеттер – 16 мың теңгеден 20 мың теңгеге дейін. Бұл – бәсекелі орта. Биыл батыстан оңтүстікке, солтүстіктен оңтүстікке субсидияланған рейстер іске қосылды. Мысалы, Ақтау, Орал, Ақтөбе Түркістанға дейін. Әрине, бағалар қолжетімді, бұл бағытта мемлекет жұмыс істеп жатыр», – деді министр Мәжіліс кулуарында.
Оның айтуынша, туристік аймақ – Кендірліден 13 шақырым жерде әуежайдың құрылысы басталды, оны жыл соңына дейін аяқтау жоспарланып отыр.