Куәгерлердің мәйітті жерлеу сәтіндегі айғақтары сот шешіміне негіз болды
Батыс Қазақстан облысында жергілікті тұрғынның қайтыс болғаны туралы факт қайғылы оқиғадан 11 жыл өткен соң ғана ресми түрде мойындалды. Бұл туралы Azattyq Rýhy облыстық соттың баспасөз қызметіне сілтеме жасап хабарлайды.
Жәнібек аудандық сотында азаматтық іс қаралды. Жауапкер ретінде шыққан әйел марқұммен заңды некеде болғанын, алайда өлім туралы медициналық анықтаманың жоқтығынан АХАЖ органында өлімді тіркей алмағанын айтты. Салдарынан өлім туралы куәлік беруден бас тартылған.
Сот отырысында екі куәгердің айғақтары тыңдалды:
Екеуі де 2014 жылы 7 сәуірде азаматтың аурудан қайтыс болғанын және жерлеу рәсіміне қатысқанын растады.
Жәнібек аудандық полиция бөлімінің мәліметінше, 2014 жылдың 7 сәуірінде азаматтың қайтыс болғаны жөнінде хабар түскен. Алайда қылмыстық құрам болмағандықтан іс қозғалған жоқ.
Сот барлық дәлел мен куәгер айғақтарын ескере отырып, азаматтың 2014 жылы қайтыс болғаны туралы фактіні ресми түрде мойындады.
Аталған шешім әзірге заңды күшіне енген жоқ.