Жүйеге 30 мыңнан аса жалған қызмет енгізілген
Шығыс Қазақстан облысында 400 миллион теңгеден астам қаржының ұрланғаны белгілі болды. Қаражат «Әлеуметтік медициналық сақтандыру қоры» арқылы бөлінген. Тергеу нәтижесінде Damumed жүйесіне 30 мыңнан аса жалған қызмет енгізілгені анықталды, деп хабарлайды Azattyq Rýhy.
Сыбайлас жемқорлыққа қарсы агенттік мәліметінше, жергілікті медициналық ұйым науқастарға көрсетілмеген қызметтерді ақпараттық жүйеге тіркеп отырған. Бұл деректер Міндетті әлеуметтік медициналық сақтандыру (МӘМС) аясында жүзеге асырылған.
Негізгі айыптар:
«Әлеуметтік медициналық сақтандыру қоры» басқарма төрағасының орынбасарыкүдікті ретінде қамауға алынды. Тергеу барысында оның жеке медициналық мекемеде заңсыз кәсіпкерлікпен айналысқаны, қымбат мүлік сатып алу арқылы ұрланған қаржыны заңдастырғаны анықталған
Сот санкциясымен күдікті қамауға алынды. Тергеу жалғасып жатыр.
Агенттік дерегінше, соңғы үш жылда тек денсаулық сақтау саласында:
«Бұл сала – қоғам назарындағы ең осал сектор. Ондағы кез келген жемқорлық – халық денсаулығына тікелей қауіп», – делінген Антикор мәлімдемесінде.
Damumed – Қазақстандағы негізгі медициналық ақпараттық жүйелердің бірі. Ол пациенттер туралы мәліметтерді тіркейді, ауру тарихын жүргізеді және көрсетілген қызметтердің есебін сақтайды. Жүйе ашықтықты арттыру және медициналық көмекті бақылау мақсатында енгізілген.
Алайда, соңғы жылдары бұл жүйе жалған жазбалар, бюджет қаржысын жымқыру секілді теріс фактілермен жиі байланыстырылып жүр.