Астанада жүргізуші кептелісте тұрмас үшін бордюрмен жүріп, оны видеоға түсірген

Астанада көлік жүргізушісі кептелісте тұрмас үшін бордюрмен жүргені әрі оны видеоға түсіргені анықталды, деп хабарлайды Azattyq Rýhy.

Ол осылайша жол ережесін бірнеше мәрте бұзғанын көрсеткен. Жүргізушінің бұл әрекетіне қатысты полиция қызметкерлері қандай шара қолданылғаны әзірге белгісіз.

Ал желі қолданушылары видеоға қатысты түрлі пікір білдірді.

«Көліктің «кобальт» екені таң қалдырған жоқ», «Жүргізуші куәлігіңнен айырылуға арналған лайфхак», «Осы жүрісімен екі минут қана үнемдеген шығар», «Екі минутын үнемдеп, жүргізуші куәлігін айырылудың жолы», - деп жазды желі қолданушылары.

Айта кетейік, осыған дейін Жамбыл облысында мектеп түлектерінің кортежі полиция назарын аударғаны хабарланған болатын.