Ғалымдар Күннің үстінен жұмбақ «құсты» байқап қалды

LASCO (Күн коронографы) телескоптарының бірінен 2024 жылғы 24 мамырда алынған ерекше және жұмбақ сурет ғалымдардың назарын аударды. Ресей Ғылым академиясының Ғарыштық зерттеулер институтының Күн астрономиясы зертханасы түсірілген суретті жариялады, деп хабарлайды Azattyq Rýhy.

Суретке назар аударсақ, «құсқа» немесе «ұшатын аппаратқа» ұқсас бейнені байқауға болады.

Ғалымдардың айтуынша, бейнеде алау ізін қалдырып бара жатқан «құсқа» немесе «аппаратқа» ұқсайтын бейне көрініп тұр. Бұл пішін Күннің фонында айқын байқалады, ал шын мәнінде не екені белгісіз күйде қалып отыр.

«Қанатының» ұзындығы — шамамен 150 мың шақырым

Зерттеушілер бұл құрылым физикалық нысан болса, оның өлшемдері таңғаларлық екенін айтады:

• Қанатының ұзындығы шамамен 150 мың шақырым;
• Күннің бетінен шамамен 2 миллион шақырым биіктікте орналасқан;
• Егер бұл нақты объект болса, онда оның көлемі Жерден 10 есе үлкен болуы мүмкін.

Ғалымдар барлық нұсқаны қарастырып отыр

Күн астрономиясы зертханасының мамандары бұл ерекше құбылысқа қатысты әзілмен жазылған пікір қалдырды:

«Бұған не себеп екенін бірге талқылайық. Ерекше жағдай ретінде кез келген нұсқаны, тіпті өзгеғаламшарлықтарды, плазмалық тіршілікті немесе өзге де теорияларды қарастыруға рұқсат. Әрине, ғылыми түсініктемелерге басымдық беріледі, бірақ олар «блик», «зарядталған бөлшек», «бағдарламалық ақау» сияқты қысқа болжамдармен шектелмесе екен дейміз», — делінген хабарламада.