Астанада Қорғалжын тас жолының бір бөлігі уақытша жабылды

Елордада Қорғалжын тас жолының бір бөлігі 30 мамырға дейін ішінара жабылады. Бұл туралы Астана қаласының әкімдігі мәлімдеді, деп хабарлайды Azattyq Rýhy. 

Қай бөлікте жол жабылды?

Орташа жөндеу жұмыстарына байланысты Тұран даңғылынан Айтматов көшесіне дейінгі аралықта қозғалыс шектелді. Қозғалыс екі бағытта бір жолақпен қамтамасыз етіліп отыр.

• Тұран даңғылы – Айтматов көшесі аралығы (30 мамырға дейін жабық)
• Айтматов – Е-128 көшесі аралығы (27 мамырға дейін жабық)

Уақытша қозғалыс схемасы

Жол жөндеушілер уақытша жол белгілері мен бағыттаушы көрсеткіштер орнатқан. Қозғалысқа шықпас бұрын жүргізушілерге бағыттарын алдын ала жоспарлауға кеңес беріледі.

Астанада жол жөндеу маусымы басталды

Мамыр айынан бастап елордада бірқатар күре жолда жөндеу жұмыстары жүріп жатыр. Бұл – жол сапасын жақсартуға бағытталған жоспарлы жұмыс. Бұған дейін қала билігі жаз айларында 60-тан астам көшеде жөндеу жүргізілетінін мәлімдеген.