Шымкентте көпірде қысылып қалған бала құтқарушыларды өзі шақырды

Бүгін кешке Шымкентте 2011 жылы туған бала көпірден өтіп бара жатып, абайсызда бір аяғымен темір шыбықтардың арасына түсіп, кептеліп қалды, деп хабарлайды Azattyq Rýhy.

Төтенше жағдайлар министрлігінің мәліметінше оқиға әл-Фараби ауданында орналасқан көпірде болған.

«Аяғының ауырғанына және жан-жағында ешкім болмағанына қарамастан, жасөспірім тез есін жинап, 112 нөміріне қоңырау шалып, құтқарушыларды шақыртты», - деп жазылған хабарламада.

Келген ТЖМ қызметкерлері гидравликалық құралдың көмегімен баланы тез босатып, аяғын қарап шықты. Зерек бала зардап шеккен жоқ.

«Төтенше жағдай туындаған кезде кейіпкеріміздей әрекет етіңіз», - деп кеңес ТЖМ мамандары.