Заңсыз көші-қон арнасы жабылды
Маңғыстау облысында шетелдік азаматтарға жалған миграциялық қызмет көрсеткен қылмыстық топ әшкереленді. Полиция үш күдіктіні ұстады, деп хабарлайды Azattyq Rýhy Polisia.kz сайтына сілтеме жасап.
15 мамыр күні ұйымдасқан қылмыспен күрес басқармасы арнайы операция жүргізіп, шетел азаматтарына жалған тіркеу, уақытша тұруды ұзарту және рұқсат құжаттарын рәсімдеу схемасын әшкереледі.
Тергеу барысында тәркіленген заттар:
Қазіргі таңда ҚР Қылмыстық кодексінің 394-бабы бойынша («Заңсыз көші-қонды ұйымдастыру») іс қозғалып, сотқа дейінгі тергеу жалғасып жатыр. Полицияның мәліметінше, күдіктілер ХҚКО арқылы шетел азаматтарына заңсыз қызмет көрсетіп, оларға Қазақстанда болу мерзімін ұзартуға және тіркеуге көмектескен.
Соңғы жылдары елімізде көші-қон заңнамасын бұзу жиілеп барады. Әсіресе, шекаралық өңірлерде (Маңғыстау, Түркістан, ШҚО) шетелдік жұмыс күшінің заңсыз келуі жиі тіркеледі. Бұл мемлекеттік қауіпсіздікке тікелей қауіп төндіреді.
«Мұндай заңсыз әрекеттер көші-қон қауіпсіздігіне қатер төндіреді. Қазақстан аумағында болу тәртібін сақтау – әрбір шетел азаматы үшін міндет», — делінген ресми хабарламада.
Қазақстанда жалған құжат дайындау және заңсыз көші-қон ұйымдастыру фактілері үшін 5 жылдан 10 жылға дейінгі бас бостандығынан айыру жазасы қарастырылған.