Ұйымдастырушылардың айтуынша, мұндай акцияларға қоғам тарапынан қызығушылық жоғары
Елордадағы «Орталық базар» сауда үйінде «AMANAT» партиясының қалалық филиалы Байқоңыр ауданы әкімдігінің қолдауымен «Құқықтық көмек күні» акциясын өткізді. Іс-шара «Құқықтық көмек» және «Қарызсыз қоғам» партиялық жобалары аясында ұйымдастырылды, деп хабарлайды Azattyq Rýhy.
Астана әкімдігінің мәліметінше, акцияның негізгі мақсаты – елорда тұрғындарына білікті заңгерлік және қаржылық кеңес беру, сондай-ақ қаржылық сауаттылықты арттыру. Бұл бастама қоғамдағы әлеуметтік және экономикалық мәселелердің алдын алуға бағытталған.
«Осыған дейін Астаналық базарда 100-ден астам адамға түрлі сала бойынша көмек көрсеттік. Енді Орталық базарда өткізіп жатырмыз. Мақсатымыз – халықты партиялық жобалармен таныстырып, бірнеше мекеме өкілдерін бір жерге жинап, жан-жақты көмек көрсету», – деді «AMANAT» партиясының Астана қалалық филиалының атқарушы хатшысы Мұхаммед Болысбек.
Іс-шара барысында азаматтар несие проблемалары, құқықтық сұрақтар, зейнетақы мәселелері, құжаттандыру және басқа да маңызды тақырыптар бойынша тегін кеңес алды.
Қоғамдық қабылдауға келесі ұйымдар мен мамандар қатысты:
«Несие бойынша мерзімі өткен қарыздар, заңдық кеңестер сынды түрлі сұрақтар көтерілді. Мұндай қабылдауларды Астананың өзге сауда орындарында да тұрақты өткіземіз», – деді қалалық филиалдың баспасөз хатшысы Сұлтан Мұстафин.