COVID-19 инфекциясынан қайтыс болғандар саны 402 мыңға жетті
Пандемия басталғалы әлемде коронавирус инфекциясын жұқтырғандар саны 7 миллионнан асты. Мұндай дерек Worldometers бүкіләлемдік статистика сайтында жарияланды, деп хабарлайды Azattyq Rýhy тілшісі.
7 маусымдағы жағдай бойынша COVID-19 инфекциясын әлемде 7 миллионнан астам адам жұқтырған. Олардың 402 мыңнан астамы қайтыс болды. Сонымен қатар 3,4 миллионнан астам адам вирустан жазылып шықты.
Вирус жұқтырғандар саны бойынша АҚШ бірінші орында тұр. Америкада 2 миллионға жуық адамнан коронавирус анықталды. Оның 112 мыңы қайтыс болып, 750 мыңнан астам адам жазылып шықты. Екінші орында тұрған Бразилияда 676 мың адам коронавирус жұқтырған. COVID-19 жұқтырғандар саны бойынша үшінші орында Ресей тұр.