Оралда есірткі қолданып, мопед жүргізген ер адам ұсталды
Ол 5 жыл бұрын жүргізуші куәлігінен 7 жылға айырылған
Фото: БҚО ПД
Орал қаласында Ескалиев көшесінде патрульдік полиция батальонының қызметкерлері есірткі қолданған мопед жүргізушісін тоқтатты, деп хабарлайды Azattyq Rýhy.
Облыстық ПД мәліметінше, ол тоқтағаннан кейін тәртіп сақшыларынан жасырынуға тырысқан, алайда полиция қызметкерлері оны ұстап куәландырудан өткізу үшін медициналық мекемеге жеткізді.
Көлік басқарған облыс орталығының 26 жастағы тұрғыны медициналық куәландыру қорытындысы бойынша есірткілік масаң күйде болғаны анықталды.
«Тексеру барысында оның 2020 жылы көлік құралын басқару құқығынан жеті жыл мерзімге айырылғаны белгілі болды. Аталған факті бойынша қылмыстық іс қозғалып, тергеу амалдары жүргізіліп жатыр», - делінген хабарламада.
Серіктес жаңалықтары
Көп оқылған
02.10.2025, 13:27
Астана түбіндегі зәулім үйіне мигранттарды «тығып отырған» әйел қолға түсті (ВИДЕО)
Редактордың таңдауы
02.10.2025, 09:52
Астанада 12 жастағы ұл Ана мен бала орталығын аяғынан тік тұрғызды
