Қазақстандық гимнаст әлемдік додада екі алтын медаль алды
Отандасымыз кермедегі жаттығуларда үздік нәтиже көрсетті
Фото: ҰОК
Қазақстандық гимнаст Милад Карими Каирде (Мысыр) өтіп жатқан Әлем кубогы кезеңінің екінші финалында да жеңіске жетіп, қанжығасына алтын медаль байлады, деп хабарлайды Azattyq Rýhy.
ҰОК мәліметінше, отандасымыз кермедегі жаттығуларда үздік нәтиже көрсетті. Ол бағдарламасын сәтті орындап, төрешілердің шешімімен 14,466 ұпай жинады.
Мариос Георгиу (Кипр) 14,066 ұпаймен екінші орынды иеленсе, ал Ноэ Сейферт (Швейцария) 13,866 ұпаймен үшінші орынға тұрақтады.
Айта кетейік, Карими бұған дейін еркін жаттығуларда да топ жарған болатын. Ол жалпы есепте де Әлем кубогының жеңімпазы атанды. Жалпы, оның қоржынында Әлем кубогында жеңіп алған алты алтын медаль бар.
Көп оқылған
25.02.2026, 13:15
«Қазақ жігіттері ауыр қабылдайды»: уролог ерлердің ұрығынан сапа кетіп, саны азайғанын айтты
25.02.2026, 10:27
Мектептен кейін балалардың өмірі үшін мұғалім жауапты болмайды: Қазақстанда жаңа заң қабылданады
25.02.2026, 14:55
Қызылша жұқтырған әрбір адам орта есеппен 12-18 адамға ауру таратады – Астана дәрігерлері дабыл қақты
Бүгін, 10:51
Алматы облысында «сүйген» қызына банк арқылы аз ақша салып, астына хат жазған жігіт сотталды
