Сингапурден келген туристер Астанадағы полицияның жұмысына қатты таң қалды

Сингапурден келген туристер Астанадағы полиция қызметкерлерінің жұмысына қатты таң қалды, деп хабарлайды Azattyq Rýhy.

Қалалық Полиция департаментінің мәліметінше, күн жылынғаннан кейін елордаға келетін шетелдік қонақтар саны артып келеді. Олардың қауіпсіздігі мен қалада жайлы болуын қамтамасыз ету үшін полиция құрылымында туристік полиция бөлімшесі жұмыс істейді. Қызметкерлердің негізгі міндеті – туристерге жәрдемдесу, кеңес беру, құқықтық тәртіпті қамтамасыз ету және келген азаматтардың өтініштеріне жедел ден қою.

Шетелдік қонақтар туристік полиция өкілдерінің оң тәжірибесін атап өтіп, олардың сыпайылығын, кәсібилігін және көмекке келуге дайын екендігін атап өтті.

Сонымен, Сингапурдан келген туристер қызметкерлерге көрсеткен көмегі үшін алғыс білдірді. Полицейлер Лин мен Лиз есімді шетелдік қонақтарға сыпайы түрде кеңес беріп, жақын маңдағы көрікті орындарға жол көрсетті, сондай-ақ қала мен қауіпсіздік ережелері туралы туындаған сұрақтарға жауап берді.

«Біз Астанаға алғаш рет келіп тұрмыз. Бұл – архитектурасы әсем, ауа райы қолайлы және қауіпсіздігі жоғары өте әдемі қала. Орталықта полиция бекеттерін көру көз қуантады, бұл қауіпсіздікке деген қамқорлықты көрсетеді. Мұнда бәрі ыңғайлы және тыныш», - деп бөлісті қонақтар.