Шабуылдан тағы 171 адам зардап шекті
АҚШ Йемендегі хуситтер бақылауындағы Қызыл теңіз жағалауындағы негізгі Рас-Иса мұнай терминалына әуеден соққы беріп, салдарынан кем дегенде 74 адам қаза тауып, 171 адам жараланды. Бұл туралы Azattyq Rýhy BBC-ге сілтеме жасап хабарлайды.
Құрбандар мен жараланғандар туралы мәліметті хуситтердің денсаулық сақтау министрлігі мәлім етті.
«Америкалық күштер Иранның қолдауымен хусит лаңкестері үшін осы отын көзін жою және оларды 10 жылдан астам уақыт бойы хуситтердің бүкіл аймақтағы террорлық әрекеттерін қаржыландырған заңсыз кірістерінен айыру үшін осылай әрекет етті», - делінген АҚШ Орталық қолбасшылығының (CENTCOM) мәлімдемесінде.
Йеменнің солтүстік-батысын басқаратын хусит үкіметі соққы жасалған терминалдың азаматтық нысан екенін және оған жасалған шабуылды «толық әскери қылмыс» деп саналатынын айтты.