Оқушылардың буллингтен қорғану жолы: 5 ереже

Мектеп оқушыларының буллингтен қорғануының 5 ережесі жарияланды, деп хабарлайды Azattyq Rýhy.

Абай облысының полиция қызметкерлері анимациялық суреттер арқылы буллингтен қорғанудың жолдарын көрсетті:

1. Үнсіз қалма – ересектерге айт. Мұндай қиындықпен жалғыз күресудің қажеті жоқ. Ата-анаңмен, мұғаліммен сөйлес.
2. Қорлаушыға сенбе. Буллинг жасаушылар сені қорқытып, кемсіткісі келеді, олардың сөзіне сенбе!
3. Агрессиямен жауап берме. Бұл жағдайды одан сайын ушықтыруы мүмкін. Сабыр сақта – бұл сенің күшің.
4. Басқаларға қолдау көрсет. Егер біреуді ренжітіп жатқанын көрсең – бей-жай қалма. Бірге әрекет ету – тиімдірек.
5. Буллинг – қылмыстық жауапкершілікке әкелетін әрекет.

Мұндай заңбұзушылықтар үшін жауапкершілік қарастырылған.

«Мультфильм түрінде балаларға үнсіздіктің салдары қандай болатыны және қиын жағдайда сөйлеу мен әрекет етудің маңыздылығы түсіндіріледі», - делінген облыстық ПД хабарламасында.