Ол Башкөл ауылы маңында басталып, орман алқабына ауысты
Абай облысының Бесқарағай ауданындағы «Семей орманында» тағы да алапат өрт шықты, деп хабарлайды Azattyq Rýhy.
Облыстық Полиция департаментінің мәліметінше, Бесқарағай ауданында дала өрті тұтанды. Ол Башкөл ауылы маңында басталып, орман алқабына ауысты. От «Семей Орманы» РММ Соснов орман шаруашылығының Морозов филиалының аумағынажайылды.
Алғашқы минуттардан бастап полицейлер оқиға орнында қауіпсіздікті қамтамасыз етіп, төтенше қызметтердің әрекеттерін үйлестіруге көмектесіп, халық арасында үрей туындауына жол бермей, алдыңғы қатарда еңбек етуде.
«Жағдай ерекше бақылауда. Полиция Төтенше жағдайлар департаментімен, орман күзетімен және әкімдікпен тығыз байланыста жұмыс істеуде. Мақсат — өртті сөндіріп қана қоймай, халық пен олардың мүлкін барынша қорғау», — деп атап өтті Ернар Базаров.