Облыстық прокуратура оқиғаға қатысты түсініктеме берді
Маңғыстау облысында 75 жетім баланың тұрғын үй кезегіне қойылмағаны анықталды, деп хабарлайды Azattyq Rýhy.
Облыстық прокуратураның мәліметінше, «Тұрғын үй қатынастары туралы» Заңға сәйкес жетім балалардың, ата-анасының қамқорлығынсыз қалған балалардың заңды өкілдері баланы тұрғын үй алу үшін жергілікті атқарушы органда есепке қоюға міндетті.
«Сонымен қатар, мемлекет тарапынан 14 жетім жасөспірімді асырап алған қамқоршыларының біржолғы тегін ақшалай төлем алу құқықтарының негізсіз шектелгені және 24 қамқоршыға тиісті әлеуметтiк төлемдердiң белгіленген мөлшерден кем төленгені анықталды.
Прокурорлық қадағалау актісімен барлық жетім балалар тұрғын үй кезегіне қойылып, төлемдер сәйкестендірілді.
Жауапты қызметкерлер тәртіптік жауаптылыққа тартылды», - делінген хабарламада.