Үш айда республика бойынша 69 есірткі зертханасы жойылды
Қазақстанда үш айда республика бойынша 69 есірткі зертханасы анықталып, көзі жойылды, деп хабарлайды Azattyq Rýhy.
Ішкі істер министрлігінің мәліметінше, 18 ұйымдасқан қылмыстық топтың жолы кесілді.
Үш тоннадан астам есірткі заттары тәркіленді. Оның ішінде: 250 кг синтетика 1 тонна 642 кг марихуана 238 кг гашиш 322 грамм героин бар.
«Жыл басынан бері 1425 адам ұсталды. Оның ішінде 76 әйел, 23 жасөспірім және 9 шетел азаматы. Есірткі қылмысын анықтау және жолын кесу бойынша жұмыс жалғасып жатыр», - деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.