Атырау мұнай өңдеу зауытының үлесі сатылмайды – Энергетика министрлігі

Ресейлік «Татнефть» компаниясына Атырау мұнай өңдеу зауытының үлесін сату мүмкіндігі туралы ақпараттыҚазақстанның Энергетика министрлігі жоққа шығарды, деп хабарлайды Azattyq Rýhy.

Энергетика министрлігі «Татнефть» өкілдері өндірістік тәжірибе алмасу үшін Атырау МӨЗ-бен өзара іс-қимыл жасағанын атап өтті.

«Мұнай өңдеу саласының компаниялары арасында тәжірибе алмасу МӨЗ өндірісінің көрсеткіштерін жақсарту үшін стандартты және кең таралған процесс болып қана қоймайды. Осылайша, министрлік осыған дейін дехабарлағандай, қазіргі уақытта АМӨЗ үлесін сату мәселесі қарастырылмайды», - делінген ведомство хабарламасында.

Айта кетейік, наурыз айының соңында желіде Атырау мұнай өңдеу зауыты активтерінің бір бөлігі ресейлік «Татнефтьке» өтуі мүмкін екендігі туралы хабарламалар жарияланды.