Сарыөзекте тастанды ғимаратқа кірген жасөспірімнің үстіне бетон құлап кеткен

Жетісу облысының Сарыөзек ауылында тастанды ғимаратқа кірген жасөспірімдердің бірінің үстіне бетон құлап кетіп, басып қалды, деп хабарлайды Azattyq Rýhy.

Оқыс оқиғаға тап болған жас жігітке жергілікті құтқарушылар дереу көмекке келген. 16 жастағы жасөспірім қараусыз қалған ғимаратта достарымен жүріп, оның үстіне бетон плитасы құлаған.

«ТЖМ құтқарушылары оқиға орнына жетіп, құтқару зембілі мен сатының көмегімен жасөспірімді жерге түсіріп, одан әрі медициналық көмек көрсету үшін «103» қызметінің қызметкерлеріне тапсырды.

Төтенше жағдай орын алған кезде 112 нөміріне хабарласыңыз!» - делінген ҚР ТЖМ хабарламасында.