Бірінші медаль: Рахат Қалжан еркін күрестен Азия чемпионатында қола алды

57 келіге дейінгі салмақтағы спортшылар бақ сынады

Фото: ҰОК

Қазақстандық балуан Рахат Қалжан еркін күрестен Иорданияның астанасы Амман қаласында өтіп жатқан Азия чемпионатында үшінші орын алды, деп хабарлайды Azattyq Rýhy.

Отандасымыз 57 келіге дейінгі салмақта Хусейн Альбехадилальборспен белдесті. Қола медаль үшін өткен кездесуде Рахат Қалжан қарсыласына еш мүмкіндік қалдырмай, 6:8 есебімен басым түсті.

Айта кетейік, Ризабек Айтмұхан 97 келі салмақ дәрежесінде алтын медаль үшін бақ сынайды. Ал қола жүлде үшін Начын Куулар (70 келіге дейін) және Дәулет Ергеш (79 келіге дейін) күреседі.

Мақалада

#Азия чемпионаты #спорт #Иордания #еркін күрес

Алдыңғы жаңалық

«Денесінің 90%-ы күйген»: Ақмола облысында моншадағы қазандық жарылып, бір адам қаза тапты