Оқыс оқиға барак үлгіде салынған тұрғын үйде болды
Қарағанды қаласында әйел адам үйімен бірге тірідей өртеніп кете жаздады, деп хабарлайды Azattyq Rýhy.
ҚР ТЖМ мәліметінше, өрт Қарағандыда Степная көшесі бойындағы барак үлгісіндегі тұрғын үйде болды.
«Өрт сөндіру кезінде ТЖМ құтқарушылары әйел адамды құтқарып қалды. Оны жедел медициналық жәрдем бригадасына тапсырды.
Қабылданған жедел шаралардың арқасында өрт шағын алаңда толығымен сөндірілді. Өрттің себебі анықталуда.
ТЖМ азаматтарды өрт қауіпсіздігі ережелерін сақтауды сұрайды», - делінген министрлік хабарламасында.