Бақылаулы қар түсіру Өскемен – Самар тас жолының бойында өтті
Шығыс Қазақстан облысында қар көшкінінің алдын алу мақсатында бақылаулы қар түсіру жұмыстары жүргізілді. Нәтижесінде 1 850 текше метр қар массасы төмен түсті, деп хабарлайды Azattyq Rýhy ҚР Төтенше жағдайлар министрлігінің баспасөз қызметі.
«Бақылаулы қар түсіру Өскемен – Самар тас жолының бойында, 132-137 шақырымында өтті. Бұл аймақта үш қар жинау алабы орналасқан, ал автожолдың өзі қар көшкіні қаупі бар тау жотасының жанынан өтед», — делінген хабарламада.
Мамандардың айтуынша, бұл шара жол қауіпсіздігін қамтамасыз ету үшін маңызды. Көлік қозғалысы қалыпты режимде жалғасып жатыр.