Батыс Қазақстан облысының тұрғындары Қылмыстық кодекске сай қамалды
Батыс Қазақстан облысының криминалды полиция қызметкерлері заңсыз киік аулап, жануарлардың мүйізін кескен адамдарды тауып, қолға түсірді, деп хабарлайды Polisia.kz.
Криминалистер браконьерлерді 22 сәуір күні ұстаған. Алайда, олар туралы ақпарат қазір таратылып отыр.
«22 сәуір күні жедел-ідеу шараларының арқасында Ішкі істер министрлігі криминалды полиция департаменті және Батыс Қазақстан облысы полиция департаментінің қызметкерлері Қазталов ауданында 1978 және 1997 жылы туған екі адамды ұстады. Олардың көліктерінен 227 мүйіз салынған 4 қап тәркіленді», - деп хабарлайды сайт.
Бұл екі азамат Батыс Қазақстан облысының Жәнібек ауданында 5 наурыз күні жасалған қылмысқа да қатысты болып шықты. 5 наурыз күні Жәнібек ауданының даласынан мүйіздері кесілген 101 киіктің жемтігі табылған болатын.
Ұсталған адамдар 2019 жылдың күзінен бастап рсы уақытқа дейін Қазталов және Жәнібек аудандарының арасында киіктің мүйіздерін кесіп отырған. Бұл екі азамат Қылмыстық-процесуалды кодекстің 128 бабына сәйкес, уақытша қамау изоляторына жабылды.
«Сондай-ақ, 3 мамыр күніЖәнібек ауданының тағы бір тұрғыны, 1991 жылы туған азамат өз көлігінде ұсталды. Одан 366 дана мүйіз тәркіленді. Ол да 2019 жылдың басынан бері даладан киік мүйізін жинап жүргені анықталды», - деп хабарлайды сайт.