Оқиға Алматының Бостандық ауданында болды
Алматыда 11 наурыз күні таңертең көпқабатты үйлердің бірінің жанынан әйел адамның мәйіті табылды, деп хабарлайды Azattyq Rýhy.
Алматының Бостандық ауданындағы «Comfort City» тұрғын үй кешенінің 18-қабатынан әйел адам құлап кеткен деген болжам бар.
Полицейлер марқұмның жеке басын, жасын, оқиғаның мән-жайын анықтап жатыр.
«Бостандық аудандық полиция бөлімі бұл оқиға бойынша қылмыстық іс қозғады. Оқиғаның себебі мен мән-жайы анықталып жатыр», - деп жауап берді Алматы қалалық полиция департаментінің баспасөз қызметі.