Облыстық Төтенше жағдайлар департаменті түсініктеме берді
Ақтауда тұрғын үйде шыққан өртті тұрғындар құтқарушылар келгенше сөндіріп үлгерген. Бұл туралы Azattyq Rýhy агенттігі Lada.kz-ке сілтеме жасап хабарлайды.
Облыстық Төтенше жағдайлар департаментінің хабарлауынша, 10 наурызда сағат 16:33-те өрт сөндіру бөліміне 32А ықшам ауданындағы №19 ғимараттағы пәтерлердің бірінде өрт шыққаны туралы хабарлама түскен.
«Келген бойда үшінші қабаттағы пәтерлердің бірінің балконында тұрмыстық заттар өртенгені анықталды. 1 шаршы метр аумақта өрт бөлімше жеткенше сөндірілді. Зардап шеккендер жоқ», - деп хабарлады департамент.