Астанада жасөспірімді көлік қағып кетті: ол оқиға орнында көз жұмды

Автор: Асыл Арман

Оқиға бүгін таңертең болды

Фото: Astanovka/t.me

Астанада 6 наурыз күні таңертең Бейсекбаев пен Кенесары көшелерінің қиылысында адам өліміне әкеп соқтырған жол апаты болды, деп хабарлайды Azattyq Rýhy.

Қайғылы оқиға бүгін таңертең Астанадағы Бейсекбаев – Кенесары қиылысында болды. Жасөспірім ауыр жарақатынан оқиға орнында көз жұмды.

«Оқиға орнына жедел жәрдем қызметкерлері жетті, бірақ көрсетілген көмекке қарамастан, биологиялық өлім тіркелді», - деп хабарлады елорданың денсаулық сақтау басқармасы.

Толық мәлімет алу үшін Астана полиция департаментіне сауал жолдадық.