«Мектептепті террористер басып алды»: 5 сынып оқушысының әзілі 20 миллион теңге айыппұлға әкелді

Қостанайда 5-сынып оқушысының мектепке жасалған террорлық шабуыл туралы жалған хабарламасы ата-анасы үшін ауыр зардаптарға әкелді, деп хабарлайды Azattyq Rýhy.

4 наурыз күні полицияға мектеп оқушысынан қоңырау түсті. Ол қалалық мектептердің бірін террористер басып алғанын хабарлаған.

• Дереу оқиға орнына:
• Полиция қызметкерлері,
• Құтқарушылар,
• Ұлттық қауіпсіздік комитетінің өкілдері жұмылдырылды.

Алайда тексеру кезінде қауіп расталмады, жарылғыш заттар мен күдікті адамдар табылған жоқ.

Полицейлер қоңырау шалушының жеке басын анықтады – ол сол мектептің 5-сынып оқушысы болып шықты.
Қазір бұл факті бойынша сотқа дейінгі тергеу басталды. Заңға сәйкес, көрінеу жалған ақпарат таратқаны үшін оқушының ата-анасы жауапкершілікке тартылады.

Полиция терроризм актісі туралы жалған хабар бергені үшін:

• Бес мың АЕК-ке дейінгі айыппұл (19,6 млн теңге),
• Түзеу жұмыстары,
• Бес жылға дейін бас бостандығынан айыру жазасы қарастырылғанын ескертті.

Бұл қылмыс үшін 14 жастан бастап қылмыстық жауапкершілік көзделген.